x

Анна Колесарова, перша лаїчка благославена на Словакії

00

Словакія здобыла нову благославену. Стала ся ньов Анна Колесарова, котру 22. новембра 1944 застрілив вояк совєтьской армады. Шістьнадцитьрічне дівча вмерло, абы собі утримало невинность. Декрет о єй мученництві одобрив в марці папа Франтішек. Як про медія увів віцепостулатор в кавзі Юрай Юріца, іде о першого лаіка, котрый є на Словакії благореченый. Родачку з Высокой над Угом при Міхалівцях благоречили в часі славностного обряду на штадійоні ТЙ Локомотіва в Кошыцях. За словами орґанізаторів на нім брало участь вецей як 30.000 людей. Як повів Бернад Бобер, кошыцькый арцібіскуп – метрополіта, „Анка уж натеперь неналежить лем выходу, але належыть цілій Словакії, і докінця цілій церькві і цілому світу, протоже о єй прикладі сьме розповіли. Она неє велика тым, же была вбита. Мы єй даваме тітул благославена якраз прото, же мала жыву віру і жывы односины з Богом“.
(TASR)