Словацькый народный архів рихтує в суботу 11.юна день отвореных дверей про верейность. Одбывати ся буде з нагоды меджінародного дня архівів, котрый сі світ припоминать 9.юна. TASR о тім інформовали з тискового одбору канцеларнї міністра внутрїшнїх дїл. Проґрам є приготовленый у многых містах і архівох на Словакії. МВД доповнило, же проґрам в будові в Братїславі буде в суботу од 9.00 до 17.00 г., послїднїй вступ є планованый о 16.30 г. Робоче місце Архів Ґаланта з резіденціёв в Шалї отворило браны верейности  днесь од 8.30 г до 15.30 г. Архів Воронів над Топлёв приготовив день отвореных дверей на 14. юна, од 9.00 г до 16.00 г. На День отвореных дверей позывать подля слов резорту внутрїшнїх дїл і робоче місце Архів Новы Замкы. Проґрам буде повязаный з выставов архівных документів ку історії школства в реґіонї. Одбывати ся буде 16. юна од 9.00 г до 17.00 г а 17. юна од 9.00 г. до 12.00 г. Архів Зволен на днесь в сполупрацї з містом Зволен, штатным подником Лїсы СР, Лїсницькым і древарьскым музеом приготовили день отвореных дверей повязаный з выставов О памятках Зволена, а то од 9.00 г до 16.00 г.

(TASR, Шутіова)