Міста і села в сучасности не знають ґарантовати, же бы звладли покрыти авізоване підниманя платів в школстві ці выплачіня премій. На понедільковій пресконференції в Кошыцях то повів председа Здружіня міст і сел Словакії (ZMOS) Йозеф Божік з тым, же про розрахункы самосправ бы то значіло 160 міліонів евр. ZMOS подля нього комунікуює з профсоюзами і з резортом школства, причім авізує, же містам і селам треба помочі. Подля Божіка суть днесь села і міста в так складній сітуації, же не знають ґенеровати джерела і ґарантовати то, же кебы влада приказала підняти платы, же бы то в рамках оріґіналных компетенцій звладли покрыти. То є подля шефа ZMOS фундаментална проблема.

(Медвідь, TASR)