Терпіня і жертва Українців суть безмірны. Ганебны злочіны режіму Путіна не дадуть ся нияк оправдати. Выголосив то лідер опозічного руху Progresívne Slovensko Михал Шімечка в реакції на третю річніцю початку російской інвазії і войнового конфлікту на Україні. Звернув увагу на то, же Україна воює і за Словакію. Подля Шімечкы Росія спохыбнює меджінародне право і обще право меншых країн на незалежность і сувереніту. Росія подля лідера PS ани не таїть, же Словакія є про ню неприятельсклов країнов, і же бы была найрадше, кебы ціла Европска унія розпала ся. Зато Шімечка думать, же словацька влада бы мала підтримовати оборону Україны, і силу а єдность Европы.

(Медвідь, TASR)