Україньскый презідент Володимір Зеленьскый і америцькый віцепрезідент Джей Ді Венс в пятніцю стрітять ся на Мніховскій безпечностній конференції. В понедільок о тім інформовав аґентуру AFP говорця україньского презідента Сергій Никифоров. Конференція в Мніхові, котра належыть меджі найпрестіжнішы свойой сорты, одбуде ся курто перед третьов річніцьов початку войны, котру Росія проти Україны почала 24-го фебруара 2022-го року. Має быти так само єднов із першых принагод, коли представителі новой адміністратівы США будуть годны бісідовати з представителями Україны. І америцькый презідент Доналд Трамп минувшый тыждень повів, же ся „правдоподобно“ в найблизшых днях особно стрітить із Зеленьскым.

(Медвідь, TASR)