x

Премєр хоче в Росії їднати о ґазі і ропі

00

Словацькый премєр Петер Пеллеґріні хоче почас розговорів з російскым презідентом Владиміром Путіном і премєром Дмитрійом Медведєвом зосередити ся на темы, котры суть важны про словацьку економіку. Піде головно о додаваня ґазу в повязаню з добудованьом Nord Stream 2, додавкы ропы, рішіня проєкту шырокорозходной желізніці і додавкы палива про атомовы електрарні. Премєр то повів про TASR в понедільок з тым, же Росія є про Словакію цінным господарьскым партнером. На уровни председів влад мають представителі обидвох держав підписати меморандум о співпраці в области хоснованя атомовой енерґії на мірны цілі. Премєр має говорити з російскым презідентом і премєром і о медіалізованій інформації, же суть намагы схвалити закон о уділіню штатуту ветерана членам армії Совітьского союзу, котры брали участь на окупації Чехословакії. Пеллеґріні з тым не є согласный, 20-річна окупація была за його словами грубым порушіньом меджінародного права. З Росії має вернути в пятніцю.

(Медвідь, TASR)