В понедільок 26-го юна своїм першым засіданьом в Братіславі офіціално выникла Рада про народностны меншыны Словацького народного музея. В раді мають представителів народностны меншыны, котры мають свій музей під Словацькым народным музейом. Окрім того є членом рады і уповномоченый влады Словацькой републікы про народностны меншыны Ласло Буковскый. За русиньску народностну меншыну членом рады на пропозіцію СНМ – Музея русиньской културы став Петро Медвідь. Тот быв на понедільковім засіданю зволеный і за підпредседу нововыникнутой рады. Рада є дочасный, оператівный, порадный, ініціатівный а експертный орґан ґенералного директора СНМ в области повніня основных задач народностных музеїв і дукоментачных центрів СНМ. Функчный період рады є пять років.

(Медвідь)