Oд 1-го авґуста ся мінять порядкы в примістьскій доправі на выходній Словакії. Iнформовала o тім говоркыня Пряшівского самосправного краю Даша Єленьова з тым, же цільом того є зліпшіня якости доправы. Найвыразніша зміна є на трасі Кошыці – Сечовці – Вранов над Топльов – Гуменне, де буде зміна цілоденного порядку автобусів. То значіть, же автобусы будуть одхаджати зо заставок в 60-минутовых інтервалах, а то  в єднаку минуту почас цілого дня. Часточна зміна порядку настане і на трасі Кошыці – Пряшів – Бардейов, де будуть главні автобусы з Бардейова до Пряшова ходити зо заставок в 30 або 60-минутовых інтервалах. Вшыткы зміны одходу автобусів найдете на порталі  www.cp.sk. (TASR, Pkf)