x

Ердоґан з Трампом хотять вытворити безпечностну зону в Сірії

00

Турецькый презідент Речеп Таїп Ердоґан діскутовав у понедільок із своїм америцькыкм колеґом Доналдом Трампом о вытворіню „безпечностной зоны“ на севері Сірії. В телефонічнім розговорі обидвоми лідры „діскутовали о думці вытворити на севері той державы безпечностну зону вычіщену од терорістічных ґруп,“ пише ся у выголошіню уряду турецького презідента, з котрого цітовала аґентура AFP. Телефонічный розговор потвердив пізніше і Трамп на своїм конті на сіті Twitter, но спомянуту область означів за „безпечну зону“. Презіденты телефоновали по тім, як Турція обіцяла, же ся не зохабить „застрашыти“ грозьбами із боку шефа Білого дому. Трамп перед тым остерігав, же США „економічно зничать“ Турцію, покля заатакує курдьскы силы в северній Сірії, кедь одтыль одыйдуть америцькы вояци.

(Медвідь, TASR)