Польскый презідент Андрзей Дуда бы міг скликати перше засіданя нового парламенту в періоді близько законом даного конечного терміну, котрым є 30 днів од волеб з 15-го октобра. Вчера скінчів конзултації з політичныма партіями о новій владі. Інформувала о тім аґентура  PAP. Дуда два дні конзултовав о новій  владі зо заступцями політичных партій, котры у вольбах здобыли кресла в парламенті. Днешня владнуча партія Право і справодливость в послідніх парламентных вольбах здобыла правда найвеце голосів, но на векшыну в долній коморі парламенту (Сеймі) єй то нестачіло. Лідер Обчаньской платформы Доналд Туск вчера вєдно з дальшыма опозичныма лідрами ознамив замїрь вытворити коаліцію. На челі бы мав быти Доналд Туск. (TASR, Pkf)