Веце як 80 країн в неділю 14-го януара діскутовало в Давосі, в Швайчарії, де ся снажыли найти сполочну позицію у вопросі україньского мірового плану. Їднаня ся на тім місці одбыло в підвечур Світового економічного фора (WEF), котре буде тырвати до пятниці 19-го януара. Інформують о тім аґентуры AFP і Reuters. Порадцове про народну безпечность з 83 країн вели в ряді четверте коло діскусії на основі 10-пунктовой пропозиції україньского презідента Володимира Зеленського на досягнутя тырвалого  і справодливого міру на Україні, котра ся уж скоро два рокы боронить російскій інвазії. Діскусія ся главні заміряла на крітерія скінчіня неприятельскых  акцій, стягнутя російской армады з україньской теріторії, потрестаня выконаных приступків і забороніня дальшой ескалації, уточнила AFP. (TASR, Pkf)