Брітаньскы конзерватівці будуть днесь вечур голосовати о высловліню недовіры премєрці Тересі Мейовой як лідерці Конзерватівной партії. Голосованя є наплановане меджі 18.00 год. і 20.00 год. містного часу. Інформовала о тім телевізія Sky News з одкликаньом ся на выголошіня шефа конзерватівного Комітету 1922 Ґрегема Бреді. Голосованя о недовірі Мейовій як лідерці партії было ініціоване по тім, як ся за їй одход высловило веце як 45, значіть 15 процент із 315-ох конзерватівных членів Нижньой сеймовні Брітаньского парламенту. Неспокійны депутаты свою позіцію тлумачіли формов писм, котры загнали Бредіму, шефови выпливной ґрупы конзерватівных членів сеймовні, такзваного Комітету 1922.
(Медвідь, TASR)
Фото: TASR/AP