У четверь засїдала влада СР в селї Лекаровцї собраньского окресу. В рамках акчного плану Собраньского окресу, котрый влада одобрила перед двома роками, взникло дотеперь коло 350 робочіх міст. За два рокы упала незаместнаность в окресї з веце як 18 процент о 7,5 процента. До року 2020 бы ся подла акчного плану мало вытворити 1225 новых робочіх міст, што ся подля підпредседу влады СР про інвестіції і інформатізацію Ріхарда Рашіго може не подарить. Говорить Раші: „Може ся стати і сітуація, же 1300 новых робочіх міст не буде, але може то быти і зато, же ту просто тоты люде не будуть, затоже дакотры, котры ходять за рободов до михаловского окресу, якый є такой за углом уже роботу дома глядати не будуть. Но заты не авізовали заступцёве реґіону, жебы дакотрый з тых параметрів не знали сповнити.“ Дале на рокованю в четверь влада роздїлила про окрес Собранцї реґіоналну дотацію 1,15 міліона евр. Говорить премєр Петер Пеллеґріні: „Влада розгодла о вычленїню фінанцій не у вышцї єдного міліона евр, але сума была навышена о далшых 150.000 евр. Были навышены фінанції про місто Собранцї на реконштрукцію містных комунікацій в обємі 50.000 евр а была навышена і сума, котра буде служыти на нерконштрукцію вшешпортового ареалу, де сьме навышили фінанції о далшых аси 21.000 евр напроти планованым 53.000 евр.“ Фінанції з реґіоналной дотації суть подля Рашіго урчены на рїшіня потреб, котры ся з акчного плану рїшати не дадуть.
(TASR, Цітрякова)
Фото: TASR