Пряшівска універзіта в Пряшові вчера славностні одкрыла многофункчный шпортовый ареал Пряшівской універзіты, котрый змодернізувала в сполупраці з Пряшівскым самосправным крайом. Шпортовый комплех за скоро 620 тісяч евр будуть хосновати нелем універзітны штуденты, але і шырока общность. Як про наше радіо Русин.фм председа Пряшівского самосправного края Мілан Маєрскый повів, „інвестиція в сумі 410.000 евр была по мойому така повинна їзда про нас, бо хочеме підпорити з єдного боку універзітный шпорт, але хочеме підпорити і людей, котры хочуть шпортовати. Многофункчне гріско мать служыти вшыткым, нелем універзіті.“ Частьов зреконштруованого шпортового ареалу є атлетична траса, інфраштруктура на легку атлетику, мултіфункчне гріско на різны шпортовы актівіты, тенісове гріско о гріско на плажовый волейбал.
(Кімак-Фейко)