Світова здравотницька орґанізація  (WHO) вчера варовала, же пандемія нового коронавірусу ся ани здалека неближыть ку кінцю, чого доказом суть найновшы вовны інфікації і наростаюче чісло інфікованых в многых країнах. Пресаґентура TASR інформує на основі справы аґентуры AFP. Захворіня COVID-19 представує подля WHO  і надале ґлобалне загрожіня, і то і два і пів рока по выпукнутю пандемії, пише аґентура Reuters. На пятницовій відеоконференції прото нудзовый выбор WHO зложеный з незалежных одборників вырішыв о продовжіня стану ґлобалной здравотницькой нуджі. Одкликав ся притім на звышуюче ся чісло інфікованых, продовжуючу ся способность вірусу мутовати і тиск на здравотницькы інштітуції в многых країнах. (TASR, Pkf)