Од днешнього дня ся вернули к презенчній формі едукації і школярі осьмых і девятых класів основных школ (ОШ), кідже ниякый окрес не є чорный. Участь на навчані є штандардні подміненый протестованям законного заступцю і тестує ся тыж і школяр на другім ступіню ОШ. Надале діє, же в сітуації інфікації може директор зо згодов зрядьователя або реґіоналного уряду верейного здравотницьтва заперти школу або клас, кідь ся обявить позітівный припад так, як то встановлює COVID школскый семафор. Од 26-го апріля ся ціле школство перепне до реґіоналого COVID автомату. В окресох з найліпшов епідеміолоґічнов сітуаційов так буду мати можность наступити до класів вшыткы школярі і штуденты основных і середніх школ. (TASR, Pkf)