Председа Конференції єпіскопів Словакії і єдночасно братіславскый архієпіскоп Станіслав Зволеньскый дякує за обновліня богодслужінь з участьов віруючіх. Вірить, же обмеджіня штохвіля увольнять ся іщі веце, жебы мож было вернути до „нормалного“ одправляня богослужінь. Інформовала о тім КЄС на своїм вебсайті. Публічны богослужіня были заказаны од 1-го януара. Од понеділька 19-го апріля знова суть дозволены. Кількость віруючіх не сміє перекрочіти концентрацію єдной особы на 15 метрів квадратных з простору про віруючіх. Покля тот простор не досягує 90 метрів квадратных, може быти в храмі максімално 6 людей. До того чісла не рахують ся діти до десять років у супроводі дорослой особы.

(Медвідь, TASR)