Рух Sme rodina уж дав пропозіцію премєрови Едуардови Геґерови на нового директора Словацькой інформачной службы. Про ТASR то потвердили директор пресового і інформачного одділіня Уряду влады Словацькой републікы Ріхард Пекар і председа руху Sme rodina Борис Коллар. Мено затля не повіли. Місце директора SIS зістало вольне по одході Владиміра Пчолиньского. З функції го одкликали в марці на його властну жадость по тім, як быв затриманый і обвиненый з корупції. Выменовати і одкликати директора інформачной службы належыть презідентови Словацькой републікы на пропозіцію влады.

(Медвідь, TASR)