Попрад тот тыждень навщівили заступцёве Асоціації европскых міст шпорту (ACES), котры вырїшать в найблизшых тыжднях о тім, ці найвекше місто під Татрами здобуте тітул Европске місто шпорту 2023. Ґенералный таёмник ACES Europe Гуґо Алонсо у четверь на тисковій конференції оцїнив приступ містной самосправы ку шпорту і шпортовій інфраштруктурї.,, За тот час, што єм ту, чую надхнутя про шпорт в тій комунітї, мав єм можность обознамити ся зо шпортовов інфраштруктуров. Несподївало ня а зарівно потїшыло, же ту суть жены актівнїшы в непрофесіоналнім шпортї як хлопи,“ згоднотив. Додав, же приближно 60 процент людей в Попрадї є шпортово актівных, што є европскый надпріемер.Самосправа рочнї інвестує асі штири процента жрідел праві до шпорту, причім пріемер в Европскій унії суть дві аж три процента. ,,Доісна суть то позітівны чісла, Попрад на ня зробив чутя як шпортове місто,“ сконштатовав. Ведуча оддїлїня школства і шпорту на містнім містьскім урядї Едіта Піларова увела, же в припадї успішной кандідатуры мають на будучій рік много пріоріт.

(TASR, Шутіова)