x

Премєр вызвав Дімешія стягнути пропозіцію закона

00

Премєр Едуард Геґер вызвав депутата Народной рады Дьордя Дімешія, жебы стягнув пропозіцію закона, котра заказує вывісити сімболы рухів ці комуніт пропаґуючіх сексуалну орьєнтацію. Премєр думать, же такый закон запричінить векшу поларізацію , што за його словами Словакія не потребує. Геґер є того погляду, же треба іти опачным напрямом – чутливов діскусійов і о чутливых вопросах, котры в сполочности маєме. Шеф влады повів, же є то окрім іншого порушіня коалічных правил, кедьже пропозіція не была передкладана із згодов коалічной рады, докінця ани зо згодов владного руху OĽaNO, навеце є подавана з опозічным депутатом. То, же Геґерів партійный шеф Іґор Матовіч означів пропозіцію Дімешія за правилну, не хотів премєр коментовати.

(Медвідь, TASR)