Музей модерного уменя Енді Варгола в Меджілабірцях отворять тогорочну лїтню сезону многыма вернісажами. Подля слов директора єдиного музея жертвованого кралёви поп-арту в Европі Мартіна Цубяка ся в рамках них представують вызначны дїла андерґрандовой културы 60. років 20. стороча на Словакії премєрово. Єднов з уваджаных выстав є портфоліо The Valley. Творить го 16 ілустрацій Кеіта Герінґа і 16 текстів писателя Віліама С. Буроуґса. Музей тыж в рамках подїї інауґуровав портрет Джоuзефа Беойса, представітеля концептуалного уменя другой половины 20. стороча, особного приятеля Енді Варгола. Третїм представленым унікатом є проєкт Жывот за єден цент. Подля директора музея є ,,унікатным выставным проєктом о унікатній книжцї, котрой торгова цїна є скоро 200.000 евр“. Сучастёв выставы в музею є і сама книжка з такзваной едіції Паріж з едічным чіслом 29/100.

(TASR, Шутіова)