Южна Корея і Споєны штаты одбудуть од 18. авґуста сполочне воєньске цвічіня. Увели то у четверь воєньскы представителї обидвох держав, інформовала о тім аґентура Reuters. Єденадцятьднёве цвічіня з назвов Ulchi Freedom Shield буде тот рік управлене так, же 20 зо 40 выцвіковых подїй буде пересунутых на септембер, увів на четверёвім бріфінґу говорця Збору началників штабів армады Южной Кореї. Доводом рїшіня о пересунутю цвічіня была наприклад екстремна погода. Говорця запер, жебы за тым кроком были даякы політічны факторы. Торогочне цвічіня отестує модернізовану реакцію на підвышены северокорейскы ядровы грозьбы, як і наймодернїшы технолоґії поужываны в модерных войнах, повів говорця з одказом на конфлікты на Українї і Близкім выходї.

(TASR, Шутіова)