Брітаньска справодайска станіця BBC у четверь оголосила, же україньскому презідентови Петрови Порошенкови заплатить судны тровы і кельчікы повязаны з опублікованём матеріалу, котрый обсяговав неправдиве тверджіня, же за свою першу стрічу з америцькым презідентом Доналдом Трампом заплатив 400.000 доларів. Інформовала о тім аґентура АП. Порошенко котрый ся в недїлю уходить о зновузволїня в презідентьскых вольбах, в повязаню з опублікованыма тверджінями зажаловав BBC за огваряня. ,, Оправдаме ся панови Порошенкови за способлены тяжкости і сьме согласны з тым, же му заплатиме награду способленой шкоды, як і судны кельчікы,” увела BBC на своїм сайтї. Порошенко посередницьтвом своїх правників одказав, же опублікованы тверджіня пошкодили ёго ,,політічну і подникательску” повість і способили му ,, маркантны тяжкости і неприємности “.

(TASR, Шутіова)