x

У вчерайшых презідентскых вольбах в першім колі на Україні выграв комік Володимир Зелінскый

00

Україньска ехпремьєрка і презідентска кандідатка Юлія Тімошенкова одмітла як „нечестны„ одгады выслідків недільняйшого першого кола презідентскых волеб на Україні, за котрыма заняла аж третє місце і стратила так можность забойовати о тото місце в другім колі. інформувала о тім пресова аґентура AFP. За данями опублікованыма безпосередньо по скінчіню голосуваня на основі дослідженя меджі воличми здобыла Тімошенкова коло 14 процентів голосів. Як двоє науспішнішы кандідаты выходять з даных проґноз комік Володимир Зелінскый і урядуючій презідент Петро Порошенко, а то з приближным прибытком голосів 30 і 18 проценті. Тімошенкова выголосила, же за данями позбераныма єй тімом здобыла в реалі підпору скоро 21 процент участных воличів і здобыла так друге місце за Зелінскым. (TASR, Pkf)