Таліaньска влада в середу дефінітівно схвалила проєкт в сумі 13,5 міліарды евр на выставбу моста в Месіньскім переливі, котрый перепоїть певниньску часть державы зо Сіціліёв. Піде о найдовшый высутый міст на світї а подля влады буде способный одолавати силному вітру і землетрясіням в тім реґіонї, котрый лежыть на двох тектонічных платнях. Доконченый бы мав быти в роцї 2032, інформує TASR подля справы аґентуры AFP. Таліаньскый віцепремєр і міністер транспорту Матео Салвіні з нового моста зробив єдну з пріоріт влады премєркы Ґіорґії Мелоніовой. Тым проєктом ся подля нёго Таліаньско ,,запише до історії“. Аґентура AP інформовала, же предбежны роботы бы могли зачати уж протягом того лїта а ставебны роботы будучій рік.

(TASR, Шутіова)