Найновішый 19-ый паклик европскых санкцій проти Росії за войну на Україні правдоподобно не представлять в середу, написав маґазин Politico з одкликаньом ся на дві джерела. Подля порталу „одложіня на неясно“ є повязане з тым, же Европска унія планує перенести свою увагу на Словакію і Мадярьско, і зробити тиск на обидві країны, жебы знижыли свою завислость од російской ропы. Подля маґазину Европска комісія затля не інформовала очековану дату представліня найновішого паклика санкцій, і тоту інформацію в понедільок комуніковала і з членьскыма державами. В Бруселі днесь стрічають ся діпломаты членьскых держав Унії з цільом їднати о пропонованім заказі довозу російской ропы. Европска комісія іщі в місяці май представила пропозіцію леґіслатівы на закінчіня довозу російской ропы, ґазу, ядрового палива до 1-го януара 2028-го року. Про словацького премєра Роберта Фіца є порпозіція в даній подобі про Словакію неакцептовательна, бо бы пошкодила конкуренціїспособность Унії і Словакії.

(Медвідь, TASR)