Америцькый міністер загранічных діл Марко Рубіо у віторок остерігав, же палестіньскый мілітантный рух Гамас має лем дакілько днів на то, жебы прияв договор о перемірю. Так само выголосив, же наперек минулотыждньовій ізраільскій атаці на Даугу має Катар як єдиный способность быти посередником міру в Пасмі Ґазы, інформує аґентура АFP. Аґентура припоминать, же остеріганя Рубія пришло посеред ізраільского бомбардованя міста Ґаза, што америцькый міністер потвердив. Ізраільска армія минувшый тыждень заатаковала централу Гамасу в катарьскій столиці Дауга. Америцькый презідент Доналд Трамп по інціденті высловив неспокійность із ізраільсков атаков і озноачів то за єдносторонный крок, котрый не підтримує цілі Ізраіля ани США.

(Медвідь, TASR)