Двері основных і середніх школ ся по двох місяцьох днесь знову отворили, зачінать ся школскый рік 2022/2023. В тім року їх буде навщівлювати веце як 704.000 школярів. До школскых лавок сяде по цілком першый раз 60.280 дітей, іде о першаків  основных школ. Тот школскый рік ся зачне без значных епідеміолоґічных опатрінь. Про пресаґентуру TASR то потвердив одбор комунікації і маркетінґу Міністерства школства, наукы, дослідженя і шпорту СР. Резорт школства цілково предпокладать наступ коло 880.500 дітей і школярів до школ. З того до матерскых школ піде коло 174.500 дітей. До основных школ ся верне коло 475.000 школярів і середні школы в денній формі буде навщівлювати коло 204.000 школярів, з того чісла коло 6100 в шпеціалных середніх школах. (TASR, Pkf)