В суботу 31-го януара при нагоді 81-ой річніці ослободжіня села Сулин были одкрыты памятны таблы жертвам Першой і Другой світовой войны. „Бізовно має своє місце припомянути собі тяжкы часы холем тыма сімболічныма памятниками, але і з почливостьов і тихов споминов на вшыткы жертвы незмыселных воєн,“ інформовало село. „Нашы горы і тота земля їх памятають. А мы, котры жыєме, сьме ту передовшыткым зато, жебы сьме не дозволили на них забыти,“ інформовали дале орґанізаторы той події. Участным приговорив ся державный секретарь Міністерства внутрішніх справ СР Михал Калиняк ці старостка села Анна Гілякова. Участна была і предностка Окресного уряду в Старій Любовні Катарина Томкова. Містный ґрекокатолицькый парох Павел Сиротняк посвятив памятны таблы і одслужыв за жертвы світовых воєн панахіду.

(Медвідь)