Польща є приготовлена послати своїх представителів на Україну на поміч у розсліджаню явных войновых злочінів проти цівілістів, котрых допустили ся російскы войска в місті Буча недалеко столиці Києва. Подля аґентуры PAP то у віторок повів намістник польского міністра загранічных діл Павел Яблоньскый. Яблоньскый ся так высловив у повязаню з ініціатівов польского премєра Матеуша Моравієцького, котрый в понедільок вызвав на зряджіня меджінародного орґану на розсліджаня „російской ґеноціды“ на Україні. „Фізічна присутность меджінародных тімів прокураторів, розсліджователів, лікарів, як і форензных техніків є на місці чіну ключова,“ повів Яблоньскый.

(Медвідь, TASR)