Цілково 86 штудентів в Пряшівськім самосправнім краю (PSK) в маю выконало практічны матурітны скушкы у заместнавателів, у котрых ся дуалні школовали. Іде о історічні найвысше чісло матурантів дуалістів зо середніх школ з зрядьовательскій компетенції PSK. Пресаґентуру TASR о тім інформувала говоркыня края Даша Єленьова. Практічны матурітны скушкы ся одбыли в школскім року 2021/2022 цілково у 20 заместнавателів, котры мають зо середніма школами на теріторії края підписаны договоры о дуалній едукації. В актуалнім школскім року є споминаных фірем высше 340, причім чісло дуалістів уж перекрочіло граніцю 1220. З цілкового чісла школярів залученых до дуалной сістемы едукації творять аж  90 процент якраз штуденты середніх школ крайской самосправы. Актуалні їх є высше 1100, о скоро  300 веце як  в попереднім школскім року. В рамках одборів было найвекше чісло матурантів заступлене в області механікы і проґраматорства. (TASR, Пкф)