Чеськый презідент Петeр Павел зачне з першыма конзултачныма стрїчами з лідрами стран, котры ся достануть до Посланецькой сеймовни, уж в недїлю рано. Буде од них хотїти знати , як внимають свій резултат а якый мають погляд на взник можных коаліцій. У четверь то увела Канцеларня презідента републікы. ,,Авізовав єм, же по вольбах не буду у вычекуючім наставлїню, покы ся страны договорять, але хочу на тім процесї актівно брати участь. А зато в недїлю рано зачнуть першы конзултачны стрїчї зо вшыткыма председами стран, котры ся достануть до Посланецькой сеймовни. Передпокладам, же бы нам на то могла стачіти недїля а понедїлёк, кедь закончіме то перше коло,“ повів презідент. Павел сі буде єднотливых лідрів позывати в порядю, котре становлять резултаты волеб.

(TASR, Шутіова)