Зачаток поріздвяных выпродаїв в каменных обходох ся в тім року посунули о єден день пізніше. Покы в минулім року штартовали традично уж 26. децембром, того року ся зачали аж днешнім дньом. Як про Пресову аґентуру СР повів аналітік аґентуры про дослідженя торгу Терно Любормір Драговскый даный посун очівісні принесе бівшый інтерес людей, абы ішли до обходів і накуповали. Окрім того, штораз бівше людей сі на основі його слов дарує під ялинку піняжны поукажкы і накупують по Різдві. Одночасні збівшилася в тім року і способность в накуповані. Люди сі так можуть доволити купити бівше як в минулім року, правдаже з розділами в єднотливых реґіонох Словакії. Выразны 50- аж 70- % злівы ся притім на основі Драговского часто дотуляють сортіменту з минулой сезоны.
(TASR)