Знову ся в медіях заводить інштітут права на оправу. Таксамо будуть на судох становлены тзв. тисковы сенаты, котры будуть рішати жалобы дотуляючі ся права на оправу. Зміну приносить новела закона о выдавателёх публікацій і о реґістрі в области медій і авдіовізії, котра днесь надобыла платность. ,,Як было в періодічній публікації або в аґентурнім сервісі опубліковане неправдиве або не цїлкове скуткове тверджіня, котре засягує до чести, достойности або сукромя фізічной особы або до доброй повести правницькой особы, на основі котрого мож особу точно становити, мать тота особа право на опублікованя оправы,“ пише ся в новій леґіслатіві. Выдаватель періодічной публікації, маїтель справодайского вебового порталу і тискова аґентура суть повинны на жадость опубліковати оправу, а то безодплатно. Жадость о опублікованя оправы треба доручіти до 30 днїв од опублікованя тверджіня, інакше право на оправу заникне.

(TASR, Шутіова)