Кошіцькый маґістрат Тріеды СНП буде од пятніцї (19.11.) аж до одкликаня про обчанів запертый. Доводом є злый розвиток сітуації в повязаню з пандеміёв коронавірусу. Місто о тім інформує на своїм вебовім сайтї. ,,Платить то і про канцеларню першого контакту, не буде можне ани платїня в касах (самообслужный кіоск зоставать в ходї), ці овірёваня листин,“ пише місто. Окрем заместнанцїв буде вступ на маґістрат доволеный лем тым людём, котры потребують іти до подательни, або мусять підписати приказны змлувы потребны на адопцію пішників. На маґістрат ся достануть тыж наёмници обєктів  в ёго просторах а їх заказници, як і посудковы докторы.

(TASR, Шутіова)