Міністер фінанцій і бывшый премєр Іґор Матовіч ся асі три разы стрітнув з обвиненым Бернардом С. по вбивстві новинаря Яна Куцяка. До волеб ся з ним уж нестрітнув, так як і по вольбах. Увів то на соціалній сіті в реакції на председу партії Smer-SD Роберта Фіца, котрый твердив, же Матовіч на поліцайнім досліджуваню в януарї потвердив, же ся повторюючо стрітнув з Бернардом С. Матовіч говорить, же приближні в януарї быв позваный на дослідженя на Народну кріміналну аґентуру (NAKA). Мав свідчити о тім, ці спостерегнув, же го в року 2015 на приказ “Фіцовых людей“ многы члены NAKA довгочасово незаконні слідили. Міністер описує стрічу з Бернардом С. як “стрічу зо зломеным чоловіком“, котрый правдеподобно тужыв по тім, абы ся скінчіла Фіцова влада і влада Петра Пеллеґрініго. (TASR, Pkf)