x

Тріпартіта спринимать пропозіцію розрахунку позітівно

00

Тріпартіта підпорила пропозіцію державного розрахунку на слідуючій рік, котрый рахує зо знижіньом дефіціту на 0,1 процента грубого домашнього продукту. В далшім році має быти господаріня вже вырівнане. По скінчіню Господарьской і соціалной рады о тім вчера інформовав міністер Ян Ріхтер. „Про мене є важным і основным фактором, же вшыткы соціалны партнеры выразили підпору пропозіції розрахунку із припомінками, котры дефіновали на їднаню. Хочу подяковати і оцінити конштруктівный приступ і гляданя сполочных цілів і заключінь, і тоты суть в тім, же слідуючій рік 0,1 процентный дефіціт і в далшім році бы мав быти вырівнаный державный розрахунок, што быв і ціль той влады, кедь сьме то і задефіновали в проґрамовім выголошіню влады,“ повів Ріхтер на пресконференції. Профсоюзы оцінили, же пропозіція бере до відома вшыткы договоры і резултаты колектівного выїднаваня. Рахує з роснутьом платів робітників у публічнім секторі, як і з управов тзв. таблічок робітників роблячіх у публічнім інтересі. Влада бы мала пропозіцію проїднати в середу.
(Медвідь, TASR)