Чеська меншынова влада в демісії вчера одобрила 75 процентову зліву про штудентів до 26 років і пензистів над 65 років на транспорт влаком і автобусом. Зліва бы ся мала стати актуалнов 10. юна, кедь ся буде мінити дорожный порядок. Чехію такым способом тот крочай выйде на 5,83 міліярдів ческых корун. Міністерство транспорту на ню в тім року достане з владной розрахунковой резервы 3,26 міліярдів чеськых корун. Од будучого рока уж злівненый транспорт выйде на 5,83 міліярдів чеськых корун. Транспортеры шак будуть мати можность вырішыти на котрых етапах доріг будуть злівы діючі, што є повязане з можностями звышованя капаціт в припаді вытяжености железнічных і автобусовых ліній.
(TASR)