x

В чеськых презідентьскых вольбах к урнам пришло 70,25 процента воличів

00

Штатна волебна комісія формалні одобрила выслідок голосуваня в презідентьскых вольбах. Днесь то ознамив діректор одбору волеб на Міністерстві внутра ЧР Томаш Їровец, інформує справодайкыня пресаґентуры TASR в Празі. “Запис буде опублікованый в Збіцкі законів правдеподобно завтра,“ повів Їравец з тым, же якраз од завтрашнього дня зачне плинути легота на можне поданя пропозицій на неплатность голосуваня Найвысшому справному суду (NSS). Легота тырвать сім днів, суд мать на вердікт далшых 15 днів. Армадный ґенерал у выслужбі Петр Павел поразив в другім колі   (27-го – 28-го януара) ческых презідентьскых волеб свого супера Андрея Бабіша із здобутьом 58,32 процента голосів. К урнам пришло 70,25 процента воличів, што є покы найвеце в історії прямой презідентьской вольбы в Чехії. (TASR, Pkf)