Пiдводным жадателїв о землегосподарьскы дотації з Еу было в Ґреції неоправнено выплаченых найменше 23 міліонів евр. Подля аґентуры AFP то у віторок ознамив ґрецькый міністер про охрану обчанів Міхаліс Хрісохоідіс, пише TASR. Европска унія зачала вышетрёвати підозрїня з корупції при придїлеваню дотацій Ґреції по тім, што ся обявили обвинїня, же фінанчна поміч смеровала і ку людём, котры на ню не мали право. По выпукнутю шкандалу спустили властну контролю і ґрецькы орґаны. Перебадали 6354 приємцїв а у 1036 з  них одгалили неоправнены платбы в цїлковім обємі 23 міліонів евр. Тоты кавзы уж одовздали судом, котры можуть нарядити згабаня маєтку тых, што дотації здобыли неоправнено. Підводны практікы подля міністра были головно при фалошных інформаціях о розлозї земли або о кількости господарьскых звірят.

(TASR,  Шутіова)