x

Франія пошле Чехії 100.000 давок вакцін

00

Франція додасть Чехії в половинї марца 100.000 очковачіх латок проти захворїню COVID-19 од конзорції Пфізер/БіоНТех, увів у четверь чеськый преміер Андрій Бабіш. Інформовав о тім портал Novinky.cz, причім підкреслив, же ЧР актуално діспонує десятьтісячмі давок вакцін, котры дотеперь не были аплікованы. Бабіш ся намагав договорити на додавцї вакцін і з далшыма европскыма країнами. Познаменав, же уж передтым ся подарило, же вакціны ЧР даровав Ізраіл, причім теперь Чехії приобіцяла Франція 100.000 давок вакцін. В ЧР ся актуално очкує трёма вакцінами, котры суть реґістрованы в ЕУ, а то од фірем Пфізер/ БіоНТех, Модерна і АстраЗенека
                                                                                                          (TASR, Шутіова)