Найменше шість шыф зо зерном выплавало днесь з україньскых приставів, ознамило турецьке міністерство обороны. День перед тым Росія вернула ся к повніню договору о вывозі зерна з Україны через Чорне море, інформує пресаґентура TASR  подля аґентуры  AFP. Москва в суботу по атаку на російску Чорноморьску флотілу дочасно одступила од договору о вывозі  зерна з Україны, котру в юлі помогла выїднати Турція і Орґанізація Обєднаных націй. Москва то значіть обвинила Києв, же поужыв безпечностны наморны корідоры хоснуваны в рамках того  договору на атакы дронми на споминану флотілу. Російске міністерство обороны наконець вчера увело, же Москва вертать ся к повніню договорів потім, што достала од Україны ґаранції, же наморны корідоры непоужыє на подниканя атаків. (TASR, Pkf)