x

Пряшів заплатить за буряня выбухнутого блоку подля зналецькой експертізы

00

Місто Пряшів заплатить кельчік за буряня блоку по выбуху пліну на Мукачівскій уліці в Пряшові, котрый ся став в децембрі минулого рока. Радніця заплатить фірмі, котра реалізовала роботу при буряню блоку, лем до вышкы узнаной в зналецькій експертізі з Інштітуту судного інжінірства Жіліньской універзіты в Жіліні. Місто о тім інформовало на вчерашній пресконференції. Як повіла пріматорка Пряшова Андреа Турчанова, експертіза є на суму 781.029,08 евр, а тоту місто заплатить фірмі Матійка. Тота місту выставила дві фактуры в цілковій сумі 1.018.481,98 евр. (TASR, Pkf)