Общій суд  Судного двора Европской унії потвердив, же Польща мусить заплатити покуту 320 міліонів евр за недотриманя дочасных опатрінь повязаных з реформов юстічного сістему з років 2019. Суд замітнув жалобы Польщі, котра ся снажыла о зрушіня вердікту Европской комісії о вымаганю покут. Інформує о тім Судный двір через свою справу. Европска комісія зачала 1-го апріла 2021-го року діяня проти Польщі за порушіня повинності. Ішло о леґіслатівны зміны в області орґанізації польского юстічного сістему, котры подля Европской комісії порушовали право Европской унії (ЕУ). Судный двір 27-го октобра 2021-го року приказав Польщі платити покуту єден міліон евр за каждый день уплатньованя конфліктных установлінь. Покута ся зачала рахувати од 3-го новембра 2021-го року. (TASR, Pkf)