Европска унія додать поміч Канадї, котра боює з найгоршыма лїсныма пожарами за остатнїх 10 років, інформовала о тім у четверь Европска комісія. Зо жадостёв о поміч ся на ЕУ оберла сама Канада. Франція, Портуґалія і Іспанія як першы членьскы країны ЕУ такой авізовали охоту выслати до той североамерицькой країны догромады 280 гасічів, причім тота кількость іщі не є концёва. До Канады одпутує і експерт з Коордіначного центра ЕУ про реакції на нудзовы сітуації. Канада уж од мая боює з великыма лїсныма пожарами з незвычайным досягом а інтензітов, котры дотеперь спалили порасты на плосї приближно 4,1 міліона гектарїв, што є цїлково область поровнательна з розлогов Голандії.

(TASR, Шутіова)