Україна надіять ся, же за дакілько тыжднів подарить ся їй здобыти штатут кандідатьской країны Европской унії. В понедільок то повів україньскый презідент Володимір Зеленьскый на стрічі зо шефом делеґації Унії на Україні Маттіом Маасікасом. Інформовала о тім аґентура AFP. Зеленьскый Маасікасови передав выповненый формуларь потрібный, жебы могла країна жадати о членство в Унії. Зеленьскый повів Маасікасови, же Київ вірить, же в тім здобуде підпору Унії і стане „кандідатом на приятя“, а наслідно буде мож зачати далшу „завершалну фазу“ приступового процесу. Лідры Унії высловили Києву підпору в намагах стати членом, но не обовязали ся ку жадному часовому плану. Дакотры докінця скептічно высловили ся што до ускоріня приступового процесу, котрый звычайно тырвать цілы рокы.

(Медвідь, TASR)