Ізраіль у віторок скоро рано зробив авіаатаку на сектор Ґаза в реакції на ракету выстрілену в понедільок з теріторії той палестіньской енклавы. Інформацію принесли аґентуры AFP і Reuters. Ку ракетовій атаці на Ізраіль безпосередно не приголосила ся жадна фракція із сектора Ґаза. Но в остатніх днях дішло ку веце насилным стрічам меджі безпечностныма силами Ізраіля і Палестінчанами, припоминать Reuters. Ізраільска армія в понедільок оголосила, же з Ґазы была на ізраільску теріторію выстрілена єдна ракета. Ракету захопила сістема протиракетовой обороны Iron Dome. Ішло о першу таку атаку од януара.

(Медвідь, TASR)