Грецьке міністерство про міґрацію в неділю ознамило, же лісный пожар примусив урядників евакуовати стовкы жадателів о азіл з табору на грецькім острові Хіос. Інформує о тім агентура AFP. Пожар взникнув в неділю рано і грецькы уряды рішыли превентівно евакуовати і веце як десять сел в околиці табору. З пламінями бойовало коло 100 гасічів, 30 гасічскых авт, два гасячскы летадла і десять гелікоптер, інформував гасічскый збор. Остров Хіос, котрый лежыть при западных берегах Турції, є частым місцьом вылоджіня міґрантів, котры ся снажать достати до Европы. Грецькы гасічі за послідніх 24 годин зареґістровали коло 50 пожарів по цілій країні і застерігали, же уровень небезпекы оставать „барз высока“ аж до днешнього дня. (TASR, Пкф)