В неділю членьскы штаты Североатлантічной Аліанції (НАТО) договорили ся на тексті сполчного выголошіня лідрів Аліанції про будучотыжньовый саміт в голандскім Гааґу. Тото выголошіня установлює за ціль звышыти каждорічно выдаткы на оборону аж на пять процент ГДП. Згоду члены нашли незважаючи на претензії, котры того тыждня высловила Іспанїя. Інформує о тім агентура Reuters. Текст выголошіня схвалили заступникы вшыткых 32 членскых країн. Дефінітівно го але мусять потвердити главы штатів і влад на саміті, котрый ся одбуде будучій тыждень у второк і в середу. (TASR, Пкф)