Здружіня доріжных транспортерів СР Česmad Slovakia оцінює рішеня пониженя дані з авт і зліву з тахы міта. Понедількове їднаня на міністерстві фінанцій і з премєром Петром Пеллеґрінім і заступцями Унії автотранспортерів Словеньска (UNAS) поважує за успішне. Презідент Česmadu  Павол Йанчовіч  повів, же автотранспортеры мали три вымаганя, а то пониженя дані з авт, зрушіня зданьованя кішенёвых пінязі при працовных путях і аплікація значных злів з тахы міта од першого кілометра ретроспективні. Двоє з даных вымагань уж было договорено. Покы ся шак за його словами ненашло рішеня при вымаганю зрушіня зданьованя кішенёвых пінязі.  (TASR, Pkf)